Co obxectivo de facer partícipe á comunidade local e a todas as persoas interesadas vaise desenvolver un amplo programa de actividades de dinamización no Castro das Croas. Faranse durante os traballos de escavación (que durarán uns 20 días) e tamén unha vez rematada a intervención.

O obxectivo é envolver á veciñanza no proceso de estudo e investigación e tamén no coidado e divulgación dos bens culturais, entendidos como elementos centrais na identidade local e xeradores de orgullo e autoestima.

Actividades durante a escavación

• Visita de expertos: luns 25
• Visita guiada para grupos (máximo 30 persoas): martes 26 e xoves 28 de agosto de 10.00 a 11.00 horas.
• Xornadas de voluntariado (máximo 5 persoas por grupo): luns 1 e martes 2 de setembro de 10.00 a 12.00 horas.
• Visita guiada sobre arqueoloxía, antropoloxía, usos sociais, económicos e rituais: martes 9 de setembro ás 11.00 horas.
• Clausura da intervención: venres 12 de setembro. Haberá un breve acto de avaliación e unha actuación musical.

Para participar nas visitas guiadas e nas actividades de voluntariado, é preciso anotarse a través da web http://tesourosdotempo.pontevedra.eu/novas/ (para inscribirse na actividade hai que estar rexistrado previamente) ou no correo electrónico patrimoniocultural@pontevedra.eu.

Despois da intervención

Durante o outono tamén haberá actividades como charlas divulgativas sobre o castro, presentación dos resultados da intervención e roteiros e visitas guiadas para grupos e escolares. O programa definitivo presentarase ao longo do mes de setembro.